Акцыя салідарнасці ад FNV.
16 красавіка найбуйнейшы нідэрландскі прафсаюз FNV арганізуе акцыю пратэсту каб падтрымаць зняволеных прафсаюзных актывістаў і ўсіх палітвязняў Беларусі.
FNV даўні партнёр беларускіх незалежных прафсаюзаў (БКДП) і пасля падзей 2020 году, вымушанага спынення дзейнасці БКДП і арышту некаторых яго чальцоў FNV не спыніў сваю падтрымку. У красавіку 2022 года больш за 20 прафсаюзных лідэраў і іх супрацоўнікаў з Беларускага кангрэса дэмакратычных прафсаюзаў (БКДП) былі затрыманыя КДБ. Цяпер, праз тры гады пасля гэтага арышту, становішча прафсаюзных лідэраў у Беларусі выклікае вялікую трывогу. Многія з іх усё яшчэ знаходзяцца ў турмах ці жывуць у выгнанні. За апошнія тры гады колькасць зняволеных прафсаюзных актывістаў вырасла больш чым удвая. Катаванні і запалохванні сярод палітычных зняволеных сталі звычайнай з'явай.
Па ўсім свеце ў красавіку прафсаюзныя арганізацыі будуць праводзіць акцыі салідарнасці супраць такога становішча і патрабаваць неадкладнага вызвалення лідэраў і актывістаў у Беларусі.
FNV запрашае беларускую дыяспару ў Нідэрландах на акцыю салідарнасці, якая адбудзецца 16 красавіка а 14:00 насупраць амбасады Беларусі, Koninginnegracht 8 2514 AA Den Haag (на мосце з другога боку дарогі).
Падчас акцыі амбасадару Беларусі будзе ўручаны ліст. Чым больш людзей ля амбасады, тым больш магутны сігнал салідарнасьці з нявіннымі людзьмі ў Беларусі!